Dizionari de Lenghe Furlane

cjapâsi  cja|pâ|si  [AF]

1. v.pron.tr. (ancje fig.) cun valôr intensitîf, viôt cjapâ :  cjapâsi dut il timp che al covente par fâ di mangjâ e par mangjâ (Guglielmo Pitzalis, Mangje san 1); al jere sigurât su la vite e al tentave di colâ par cjapâsi alc (Riedo Pup, Beâts i viei); si cjapave une manganelade pe schene ogni volte che al vierzeve bocje (Roberto Ongaro, Il muc); si jere cjapât un riscjalt, un bruntulament di budiei che nol passave (Riedo Pup, I furlans e lis feriis)
2. v.pron.tr., v.pron.intr. (ancje fig.) cjapâ une part di se stes, di alc che si à intor:  il garbon i cor daûr cun chê di copâlu e par fâlu si cjape la code in bocje fasint come une ruede (Sandri Carrozzo, Friûl di Magance); si veve cjapât la muse tes mans (Spirt Anonim, Eracsam)
   Sin. cjolisi , brincâsi , brancâsi , strenzisi
   
   1. fâ la azion di cjapâ in maniere reciproche, l'un cul altri:  mari e fie si cjaparin a bracecuel e a restarin cussì a dilunc (Carlo Sgorlon, Ombris tal infinît)
3. v.pron.intr. (ancje fig.) strenzi lis mans, o ancje altris parts dal cuarp, intor di alc o di cdn.:  si cjapà pal stadei e al saltà sù [sul cjar] (Dino Virgili, La aghe da pît la cleve); si cjape tes bachetis de cise che si crevin come jerbe, e al sbrisse di gnûf (Pieri Menis, Agnul Baraçut)
   Sin. brincâsi , brancâsi , tacâsi
   
   1. (fig.) cirî une poie, un sostegn psicologjic, morâl e v.i.:  par dute la vite si puartà daûrsi chê innomine. Che al jere stramp e che si cjapave tal bevi (Antoni Beline, Pre Pitin)
4. v.pron.intr. (ancje fig.) restâ tacât o picjât intor di alc o di cdn., ancje cence volê:  [la rêt] indulà che a si cjapavin i uciei (Nello Malisano, Des mês bandis); la manie si è cjapade tun claut che al vignive infûr e si è sbregade
5. v.pron.intr. jessi intune cierte situazion o cundizion, soredut par câs o in consecuence di cierts events:  si starès spietant il les, ma, par maledizion, Prosdocim in chel dì al si ere cjapât sence cjâr di manç (Giovanni Gortani, Il viaç di Vidisson)
   Sin. cjatâsi

Polirematichis e espressions idiomatichis

• cjapâsi a bracecuel loc.v.
• cjapâsi da dî loc.v.
• cjapâsi indaûr loc.v.
• cjapâsi indenant loc.v.
• cjapâsi indevant loc.v.
• cjapâsi prime loc.v.
• cjapâsi sù loc.v.

Proverbis:

• cuant che si va jù par la aghe, si cjapisi pai baraçs se no si po altri