Dizionari de Lenghe Furlane

scunît  scu|nît  [AF]

1. p.pass., adi. viôt scunî , viôt scunîsi
2. adi. che al è jù di morâl, che al è intune cundizion psicologjiche o psicofisiche negative:  la int restade e tornave a jentrâ fra chei mûrs, scunide, disperade, vaìnt (Roberto Ongaro, Il muc); barbe Mateo al veve scoltade la gnece cence bati voli e po cuant che e finì al restà scunît, cence peraule (Pieri Menis, Chei di Muraie); Catin e tornà indaûr doi dîs dopo, scunide di fam e cui fruts che a vevin piturât tai voi i spavents di chel viaç (Maria Forte, Dome la cjampanute di Sant Bortul)
   Sin. aflit , corât , demoralizât , deprimût , nichilît , avilît , malinconic , sconsortât , scuintiât , deprès , desolât , jù , lancurôs , gram² , maluseriôs , ingusît , malapaiât , disperât , abatût , dolentrât , grot , malabiât , passionôs , suturni , discunît
   
   1. che al mostre o che al prodûs une disposizion psicologjiche o une cundizion psicofisiche negative:  le cjatà li, cui voi spalancâts e scunîts (Maria Forte, L'aventari pal barcon); la campagne su la dreture di Godie si inflapive dilunc, tun Atom scunît, e i colôrs disflorîts, smamîts (Dino Virgili, La aghe da pît la cleve)
3. adi. che al è intune cundizion negative in gjenerâl, no dome a nivel psicologjic:  o vin di produsi une domande di bens e di servizis sociâi che e puedi dâ un gnûf sburt a une economie tant scunide, come chê de nestre mont (Dino Temil, Stai de Cjargne, no stin lassâju murî)
   Sin. deprimût , disfat , discunît , nichilît , sdrumât , deprès