deprès
de|près
[CO]
-
adi.
une vore malinconic, disperât:
di un pari adolorât, di un fi deprès / ve compassion o grant sacerdotessa (Zuan Josef Busiç, La Eneide di Virgjili);
il professôr Petracco al jere stât dibot in miserie e cetant deprès pal fat che nol otignive ce che i vevin prometût (Luche Nazzi, L'emigrant Tarcisio Petracco)
Var. deprimût
-
adi., s.m.
med., psic.
che, cui che al patìs di depression psicologjiche:
Fabiano al è il deprès, l'om esaurît, che al è ancje il simbul di dute une umanitât in crisi denant de matetât de societât contemporanie (Serena Fogolini, Une flabe contemporanie cuintri de maluserie dal mont di vuê)
-
adi.
gjeogr.
di part de superficie di tiere sute, che je sot dal nivel dal mâr:
la fasse di planure denant dal vast bacin lagunâr e je depresse, sot dal nivel medi des aghis dal sisteme marin e lagunâr (Mauro Pascolini, Andrea Guaran, La planure e la cueste dal Friûl)
-
adi.
econ., polit.
che al è intune situazion di depression economiche, di sotsvilup:
il Friûl nol è plui aree depresse (Anna Bogaro, E mancje la volontât politiche)