disperât
dis|pe|rât
[AF]
-
p.pass., adi.
viôt disperâ
, viôt disperâsi
-
adi., s.m.
che, cui che i mancje cualsisei sperance, che al è cjapât di une pene estreme:
la puare femine disperade si metè lis mans tei cjavei e cjalant i fruts che i vaìvin ator "Ah, puaris creaturis mês" e diseve "puars vuarfins […]" (Catarine Percude, La mulinarie);
e a cjantâ no je fadie / se no si è plui che malâts / e a cjantâ si fâs ligrie / a chei zovins disperâts (Popolâr, E jo o cjanti)
Cfr. gram2
, malinconic
, aflit
, lancurôs
, maluseriôs
, disgraciât
, infeliç
, avilît
, sconsolât
-
che al mostre o che al fâs vignî malinconie estreme, cence sperance:
mi disaressin di sigûr che la mê e je musiche par int che e à di copâsi. A àn reson! E je propite cussì. Al è un motîf une vore disperât ma jo no pues fâ di mancul di scoltâlu (Checo Tam, La maree nere)
-
adi., s.m.
che, cui che al è in cundizions di dificoltât estreme, soredut economiche:
chel so client al è un disperât, plen di fruts, che tant no si po gjavâi nuie (Pieri Somede dai Marcs, L'avocat e la luianie);
a savevin ducj che nol jere un disperât e che no i mancjave il pagnut (Carlo Sgorlon, Prime di sere)
Sin. disgraciât
, puar1
, misar
, miserabil
-
adi.
che nol lasse nissune sperance, che nol lasse pensâ a une pussibile evoluzion in miôr:
dut al jere cuintri di me e i superiôrs, a partî dal retôr Fantin, no viodevin o no volevin viodi nissun segnâl di vocazion. La situazion e jere disperade (Antoni Beline, Il seminari e i prins agns di predi)
-
une vore negatîf:
a lavoravin in condizions disperadis par realizâ oparis grandonis (Renzo Balzan, "Gulag": il dovê dal ricuart)
-
adi.
(fig., iperb.)
che al è fuart o ancje esagjerât, che al à manifestazions estremis:
al scjadenà tes scuelis e tes placis la plui disperade propagande cuintri da la Austrie (Josef Marchet, Cuintristorie dal Friûl fin sot la Italie)
Proverbis:
- il lot al è la risorse dai disperâts
- la sperance e je il rimiedi dai disperâts
- la vite e je il content dai fortunâts, il malcontent dai disperâts
- panze famentade, vite disperade
- vite di jentrade, vite disperade