malapaiât
ma|la|pa|iât
[AF]
-
adi.
che, cui che al à vût une delusion, une frustrazion, une umiliazion:
si reste malapaiâts e mortificâts a viodi che, se si vûl alc di Rome, e no si à la fuarce o la tristerie di fâ pôre al guviar, no reste altre strade che chê dal cercandul (Josef Marchet, Cirî la caritât);
«O soi propit une contadine, buine di movimi dome in paîs» e pensà malapaiade (Maria Forte, La tiere di Lansing);
[lis striis] no ur devin mai reson ai prepotents e ai siorats, ma ur devin une man ai biâts, ai contadins, ai pastôrs, ai vuarfins e ai malapaiâts (Josef Cjargnel, Lis striis de Cjargne)
Sin. disiludût
, disincjantât
, dismagât
, frustrât
, ingusît
, disamorât
, scuintiât
, deludût
, displasût
, umiliât
, discontentât
-
che al mostre delusion, frustrazion, umiliazion:
une e jere une fantate une vore ninine, cuntun fâ risiervât; chê altre e jere sô mari e e veve une ande malapaiade, come se e ves vergogne di jessi puare (Pierluigi Visintin, Friûl e furlans te Histoire de ma vie di Giacomo Casanova)
-
adi.
di sintiment, progjet, desideri e v.i., che nol à vût une buine realizazion:
al jere presonîr dal so amôr malapaiât e tal ricuart di jê cussì tenare e cjare (Alan Brusini, La ultime partence)
Sin. frustrât
, deludût