Dizionari de Lenghe Furlane

scarpe  scar|pe  [FO]

1. s.f. indument dal pît, di piel, corean, tele, plastiche o altri materiâl:  al jere une volte un cjaliâr. Un di chei che, timps in daûr, a fasevin scarpis su misure pe int (Laurin Zuan Nardin, Il cjaliâr); si veve metût aduès la gabanice verduline pontade ca e là, e lis vosis su lis scarpis tondis di campagne (Maria Forte, L'aventari pal barcon); fat un salt dal jet, si impirave lis scarpis e si butave a trot jù pe trombe des scjalis (Alan Brusini, Il mâl dal tor); e veve un vistît maron cence cuel e cu lis maniis lungjis, lis scarpis cul tac e la cotule che i taponave a pene il zenoli (Carlo Sgorlon, Prime di sere)
   Cfr. suele , tomere , cuart , vuardul , tac¹ , ribot , pontâl , ponte , trade , cavicj , scarpet , stafet , scarpin , scarpon , scarponcin , stivâl , stivele , ghete , vose , çucul¹ , çucule , dalmine , çavate , galoce , papuce , mulot , scarfarot , laç
2. s.f. [BF] pendite di un mûr o di un teraplen
   Cfr. scarpade
3. s.f. [FÛ] lame di metal par frenâ ruedis di cjar o di caroce di rive jù
   Sin. scarpe di cjar

Polirematichis e espressions idiomatichis

• a scarpe loc.av., loc.adi.inv.
• lecâ lis scarpis loc.v.
• lustrâ lis scarpis cu la lenghe loc.v.

Proverbis:

• al è miôr fruiâ scarpis che no bleons
• cui che al fruie scarpis nol fruie bleons
• cui che nol onç lis scarpis al onç il cjaliâr
• di une brute scarpe no vignarà mai fûr une biele çavate
• doi pîts no stan ben intune scarpe
• il cjar si tire daûr la scarpe
• il rimiedi pai cais e je la scarpe largje
• lis scarpis si fasilis su la forme
• par vivi a lunc covente doprâ scarpis vieris
• une biele scarpe a fâs une biele çavate
• vuardâsi dai parincj strets come des scarpis stretis