Dizionari de Lenghe Furlane

stivâl  sti|vâl  [AF]

1. s.m. cjalçadure alte parsore dal cuel dal pît, cu la trombe che e cjape fin sot dal zenoli o ancje parsore:  finalmentri la aghe si ritirà al pont che si podeve lâ pes stradis, cui stivâi di gome (Carlo Sgorlon, Ombris tal infinît); al jessè çonconant un moment cui stivalons incrodeâts, sul pat de puarte (Dino Virgili, La aghe da pît la cleve)
2. s.m. recipient di bire tipic des Gjermaniis, che al à la forme di chê cjalçadure:  simpri in forsit, cui pôcs fenics, fra sgnape e stivâi (Maria Forte, Varc di confin)
   Sin. stifal
3. s.m. (fig.) ancje maiusc., la Italie:  i paîs plui soreglâts dal Stivâl (Josef Marchet, Fevelâ par dibant)

Polirematichis e espressions idiomatichis

• onzi i stivâi loc.v.
• tirâ i stivâi loc.v.
• tirâ sù i stivâi loc.v.