scarpet  /-èt/  scar|pet  [AF, TS]

  1. s.m. cjalç. cjalçadure basse, sedi di om che di femine, cu la tomere di panine o di vilût e la suele di tele pressade e cuside:  cui pugnuts su la muse la frutine / durmive fis, e la none tornà / strissinant i scarpets fin in cusine (Ercole Carletti, La Ave); Rosute e metè i scarpets cu la rosite su la ponte, si tirà il façolet a rosis su lis strecis (Dino Virgili, La aghe da pît la cleve); al à metûts sù i scarpets, di screa, regalâts di Pia che a ju veva pontâts e finîts ic e al è inviât par Vila (Ovidio Colussi, Il pilustrât); tai agns Sessante o clamavin scarpetons chei di Dalès parcè che lôr a dopravin ancjemò i scarpets e nô, plui indevant cui timps, ju vevin molâts (Enos Costantin, Tai pîts dai furlans)
    Sin. stafet
Polirematichis e espressions idiomatichis Proverbis:
  • il mont al è fat a scarpet: cui lu gjave e cui lu met