laç
laç
[AF]
-
s.m.
cuarde o fîl o altri element lunc e pleât in maniere di formâ un zîr che si strenç par ordin che si tire, in particolâr par cjaçâ, pescjâ o picjâ:
i gjats che a passavin pal so curtîl, une volte cjapâts tal laç, ju copave cu la fionde, un clap daûr chel altri (Alan Brusini, Amîs come prime);
"Eco ce che si vanze a impaçâsi cui predis!" al diseve il puar Meni lant su la forcje. Prin di meti il cjâf tal laç al domandà in grazie di podê sunâ ancjemò une volte il so violin (Luigi Gortani, Meni Fari)
Cfr. filaine
, forcje
, sagulin
, cuarde
, traine
, gale1
-
(fig.)
element, fatôr, dinamiche e v.i. che a son alc di negatîf, pericolôs o ancje mortâl, e che al è une vore dificil di scjampâ e di liberâsi:
ce vevial te vite un contadin, otri che il strussi dal lavôr e il laç de miserie intor dal cuel? (Gianni Gregoricchio, Îr e doman);
nol è che Cavedalis nol si inacuarzès di ducj i messedaments de politiche o che nol fos atent di no fâsi imberdeâ tai laçs des corints e dai moviments (Giovanni Pillinini, Zuan Batiste Cavedalis - Une vite esemplâr)
-
s.m.
sorte di cordon, spali o sim., par strenzi scarpis, vistîts e v.i. tor dal cuarp
Sin. stringhe
Proverbis:
- cuntun sôl laç no si cjape il jeur