çavate
/-và-/
ça|va|te
[AF]
-
s.f.
cjalçadure comude e lizere, doprade pal plui par stâ in cjase:
Min al jere jevât, al veve vierte la puarte de sô cjamare e, strissinant lis çavatis a ôr dal coridôr, al jere lât biel planc viers la cusine (Franca Mainardis, Aiar di cjase);
denant dal barcon un trop di malâts in pigjame e çavatis a stavin fumant (Amedeo Giacomini, Tal ospedâl)
Sin. pantofule
, papuce
Cfr. mule2
, mulot
, scalfarot
, scarpet
, stafet
-
cjalçadure comude e vierte, che si dopre pal plui al mâr, in pissine e v.i.:
Julius al comprà i spagnûi, un jornal, che li si ustinavin a clamâ diario, par Amparo, un pâr di çavatis, une maiute, cuatri cartulinis (Fabian Ros, Eivissa mon amour)
Cfr. sandul
-
s.f.
(fig., spres.)
robe o persone vecje e mâl in sest o brute e di no tignî in nissune considerazion, ancje tant che ofese:
"Ancjemò cun cheste çavate de nere de Cengle? Ma sêstu specolât tai neurons? […]" (Stiefin Morat, Kebar krossè);
al è deventât la çavate di cjase (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. grabatul
, trabacul
, crodie
-
s.f.
forme di pan basse e lungje
-
s.f.
[BF]
(scherç., pop.)
man o pît une vore grancj
-
s.f.
[TS]
artes., tecn.
masse di fier che si met sot dal mai par lavorâle
Polirematichis e espressions idiomatichis
Proverbis:
- a fuarce di puartâ, ancje un scarpin di lache al devente une çavate
- di une brute scarpe no vignarà mai fûr une biele çavate
- il cjaliâr al va in çavatis
- il marangon al è cence scûrs, il cjaliâr in çavatis e il sartôr peçotôs
- une biele scarpe a fâs une biele çavate