rumiâ
ru|mi|â
[AF]
-
v.tr.
(ancje ass.)
di bestiis tant che la vacje, il bufal, il bisont e v.i., tornâ a mastiâ la jerbe che e jere stade glotude tal rumi:
si sintivin lis vacjis a rumiâ e a svintulâ il scovet de code sul stran par parâ vie lis moscjis (Pieri Somede dai Marcs, Gnot clare gnot scure);
cui lavôrs distrighiti tu, e da un cuc a di chê bestie là te stale, se e rumie (Dino Virgili, La massarie)
-
v.tr.
(ancje ass.)
di cdn., mastiâ a di lunc:
di sere si sentavin sul pat, cu la schene cuintri il mûr a cjalâ ducj chei che a passavin, rumiant favis brustuladis (Dino Virgili, La aghe da pît la cleve)
-
mangjâ in gjenerâl:
e à parecjât la çacule cuntun salam e doi pans di tremeste dentri, tant di vê alc ce rumiâ par strade (Giovanni Gortani, La cjargnele dal avout)
Sin. mangjâ
, gramolâ
, crustâ
, mastiâ
-
v.tr.
(fig., ancje ass.)
pensâ e tornâ a pensâ parsore:
"[…] La gnot, massime, mi vegnin iniment tropis robis… E o rumii … o rumii…" (Ercole Carletti, Mariute);
"Doman la fronti, - al rumiave dentri di lui. - Doman o devi spiticâmi. " (Gianni Gregoricchio, Îr e doman)
Sin. filâ
, batile
, discervielâsi
, lambicâsi
, mastiâ
, mastiâle
, mateâ
, meditâ
, mulinâ
, striçâ
, tramaiâ
-
v.tr.
(fig., ancje ass.)
dî alc in maniere pôc clare, ancje fevelant plui par se stes che par chei che a puedin scoltâ:
o crodeis che al basti rumiâ cuatri avemariis par che il Signôr e la Madone a siarin i voi su dutis lis vuestris tristeriis (Josef Marchet, Lis predicjis dal muini)
Sin. barbotâ
, mastiâ