crustâ
crus|tâ
[AF]
-
v.tr.
mastiâ, mangjâ alc di dûr o ancje mangjâ in gjenerâl:
il pan, po, si viodevilu nome tes contis de none o sù pes pituris; o ben in lontanance, stant che nome i siorats a podevin crustâlu (Josef Cjargnel, La farine dal diaul);
un al ti scjampe vie, lis sachetis plenis di luvins, chel altri al ti cruste e al ti mastie in bocje cualchi clap [di zucar] (Dolfo Zorzut, La furlane)
Sin. crustignâ
, crustulâ
, disbratâ
, roseâ
-
v.tr., v.intr.
(fig.)
consumâ:
bêçs ingrumâts dai nonos e dai paris tai agns bogns a son stâts crustâts in cuatri e cuatri vot dai nevôts (Radeschi, La brute fin de Cjadree Grande);
il cancar invisibil che par solit al tache de place, che al mangje e cruste e rumie e glot il len il ciment il fier la muse di ogni cjase (Raffaele Serafini, B123ST)
Sin. consumâ
, fruiâ
, roseâ
, fâ fûr
-
v.tr.
strenzi i dincj, ancje in maniere che a fasin sunsûr, spec. par rabie, dolôr, gnervôs e v.i.:
co si è vignûts fûr dal tribunâl, Gjino mi à mostrâts i pugns, crustant i dincj e tirant i voi come un crot (Josef Marchet, Lis predicjis dal muini)
Sin. scussâ
, rontâ
-
v.intr.
fâ un sun come di alc che si romp o che al è li li par rompisi:
la zulugne e imblancjave il glerein dal curtîl che al crustave sot da lis scarpis (Pieri Somede dai Marcs, Sul prât Soreli);
al vignive jù a colp, un craçolâ di feraze mote, un criçâ di vîts sbroiadis, un vuicâ, un crustâ di muiûi e ruedis sidiadis (Maria Forte, La rive di Sant Pieri)
Sin. criçâ
, cricâ
Polirematichis e espressions idiomatichis