consumâ
con|su|mâ
[AF]
-
v.tr.
(ancje fig.)
fâ che alc si ridusi o ancje che al finissi, al sparissi, si ruvini o al vedi un cost a fuarce di doprâlu:
jo no soi colpe se lui al consumave buine part de stagjon, in aconts (Maria Forte, Mabile la Lunghine);
distude chel argagn che von Grimoaldo si rabie se tu consumis masse lûs! (Checo Tam, Sense);
done Cheche i veve bruntulât disint che e veve consumât masse savon a lavâi chei cuatri sbrendui (Pieri Menis, Il tesaur di done Cheche)
Sin. roseâ
, fruiâ
-
mangjâ o bevi:
une famee a 'nt consumave ancje un cuintâl ad an [di fasûi] (Enos Costantin, Un virus tes lidrîs);
consumâ verduris e pomis di stagjon al vûl dî nudrîsi in mût coret e soredut naturâl e san (Gabriele Pressacco, Il calendari dal ort)
-
(ancje ass.)
paiâ un ben o un servizi:
un edonisim materialist e cence Diu che al sburte a produsi robis che no coventin, a consumâ e a strassâ (Dree Valcic, Rason e etichetis);
se no si compre, se no si consume, se no si strace, se no si bute vie, ce "boom" isal? (Riedo Pup, I furlans e la culumie)
Sin. comprâ
-
(fig.)
doprâ une vore, fâ une cierte ativitât o azion cun costance:
chel frut al consumave i libris (Maria Forte, La tiere di Lansing)
-
v.tr.
(fig.)
di sfuarç, malatie o ancje di sintiment, sensazion, pinsîr e v.i., produsi un stât di tension che al sbasse lis fuarcis di cdn.:
lu vevin ricoverât par judâlu a sopuartâ il mâl che lu consumave (Adrian Cescje, Memoriis di politiche linguistiche);
la passion che mi consume / a nissun plui la dirai, / par che il cîl e ancje lis stelis / a mi àn dit che no po stâi (Anute Fabris, A no po stâi)
Sin. mangjâ
, brusâ
, roseâ
, ruvinâ
, disfâ
, scunî
, tumiâ
-
v.tr.
(fig.)
vivi une esperience fin ae fin, fin ai siei ultims risultâts o aes sôs consecuencis estremis:
un amôr sclopât a colp e subit vivût come che o vessin furie di consumâlu fin insom (Gianni Gregoricchio, Trê feminis);
al sintive se stes no tant come un individui, ma pluitost come il rivoc di un altri che al ves za consumade la sô vite, e che di lui nol restàs nuie altri che la ombrene e la memorie (Carlo Sgorlon, Il dolfin)
-
vê rapuarts sessuâi in consecuence dal fat di jessi maridâts, viôt consumâ lis gnocis
Proverbis:
- amôr al fâs amôr, crudeltât lu consume
- bocje e fum a consumin dut
- consumâts i peltris, e ven la ore di meti i dincj su la gratule
- il timp al consume dut