fruiâ
fru|iâ
[AF]
-
v.tr.
(ancje fig.)
fâ in maniere che alc si ruvini o si esaurissi cul doprâlu tant o cul passâ dal timp o cuntune azion lungje e seguitive:
bisugne vê i cai tes mans e no savê fruiâ nome comedons sui taulins (Pieri Somede dai Marcs, Vilie di Nadâl (teatri));
al faseve mûr di clap, fruiant une marcjeline par setemane a fuarce di spesseâ a ticâ daprûf dai claps, par che si sentassin ben te malte e no vignissin une ombre infûr dal fîl a plomp (Josef Marchet, Lis predicjis dal muini);
in pocjis setemanis di chê cure li [i siôrs] a tornavin gnûfs tal cuarp e ta la anime; se ben che no varessin vût bisugne: che lôr no fruiavin di lavôr ni la anime ni il cuarp (Riedo Pup, I furlans e lis feriis);
se al veve simpri tasût al jere dome par odi aes cuistions… che a fruin simpri (Maria Forte, Mabile la Lunghine)
Sin. lisimâ
, consumâ
, frustâ
Var. fruvâ
Cfr. mangjâ
, ridusi
, roseâ
, ruvinâ
, vuastâ
, brusâ
, suiâ
Proverbis:
- a fuarce di cori sù e jù, ancje la cuarde e fruie la piere dal poç
- al è miôr fruiâ scarpis che no bleons
- cui che al fruie scarpis nol fruie bleons