cricâ
cri|câ
[FO]
-
v.intr.
fâ il rumôr di un alc di dûr ma crevadiç, che si romp o che al è li li par rompisi o che al sclopete:
un aiar rabiôs, une buere crude che e sivilave sui cops, che e faseve cricâ i arbui e zemi lis fueis (Franca Mainardis, Aiar di cjase);
il fûc al sclopà te minuçaie, al cricà jenfri dai lens in crôs e une biele flame e smalità a viert (Dino Virgili, La aghe da pît la cleve);
lâts sù par une vecje scjale che e cricave o sin rivâts te cjamare di chest amì (Checo Tam, Don Franziskus e Iskander);
l'impresari al le dongje la taule fasint cricâ i dêts, cence visâsi, e po al disè ae fantate di tirâi jù il non e l'indiriç (Carlo Sgorlon, Prime di sere);
pan fresc che al cricave, ardiel di mil savôrs (Angelo Covazzi, Il miarli)
Var. critâ
-
fâ un sunsûr acût e lunc o ripetût:
si sintivin cricâ i grîs e baulâ cjans ta bearçs lontans (Jolanda Mazzon, Di là de rêt)
Sin. griâ
-
v.intr.
(fig.)
patî une vore, soredut il frêt, la criùre e v.i., tant di vê la sensazion di crevâsi:
ogni gnot al vignive un burlaç e un frêt di cricâ, e tal doman suiâsi tal soreli che al scotave (Alan Brusini, I ribei)
-
(fig.)
massime in espressions iperb., murî:
nus conven cambiâ aiar, parcè che chei là sù no molin nancje se o crichìn! (Josef Cjargnel, Atile a Aquilee)
Sin. crepâ
, sclopâ
-
v.tr.
[CO]
scliçâ, fracâ tant di rompi:
al faseve ancje fente di copâ pulçs, cricantju cu lis ongulis dai poleârs des mans (Angelo Covazzi, I pulçs);
cricâ lis coculis
-
v.tr.
[BF]
fracâ un cric par fâ funzionâ alc:
lasse stâ chel benedet di un aradio… (a Catinute che e veve cricât di gnûf) (Pieri Piçul, Vieri e gnûf)
-
v.intr.
dal dì o de albe, tacâ, tal moment che il soreli si impâr:
la Bielestele, sù, tal cîl, e visave che prest al varès cricât il dì (Roberto Ongaro, Il muc);
al cjante il gjal / al criche il dì / mandi ninine / tocje partî
-
ancje di altris dadis di timp, scomençâ:
sul cricâ Vierta, i pastours a rivarin ta la casera (Novella Cantarutti, La aga di Plan da li steli)