Dizionari de Lenghe Furlane

riviel  /-èl/  ri|viel  [AF]

1. s.m. azion coletive, pal plui armade e violente, contrarie ae autoritât:  il popul rabiôs e i contadins cu lis forcjis e àn fat riviel cuintri la Municipalitât (Josef Marchet, Cemût che nus àn tratât i francês tal 1797); ai 27 di Fevrâr dal 1511, la dì di Joibe Grasse, intune Udin incjocade dal Carnevâl, al sclope un dai plui grancj riviei popolârs e contadins da la Europe (Angelo Floramo, Il ribalton dal 1511)
   Sin. rivolte , ribelion , insurezion , alçament , solevazion , somosse , ribalton , sedizion
   Cfr. rivoluzion
   
   1. azion ancje individuâl di resistence cuintri di une autoritât:  il contrabandîr l'è preparât a dut e viodintsi in pericul di sei fermât, di piardi il capitâl e di lâ in preson, se al crôt di podê resisti al fas riviel (Giuseppe Ferdinando del Torre, La fie capriçose e il contrabandîr)
2. s.m. [FÛ] azion che e pues displasê:  mai chê bocje si lamente / se i ven fat cualchi riviel / e di dut al si contente / l'è pazient tant cu un agnel (Ermes di Colorêt, II, 68)
   Sin. dispiet , tuart , dituart , displasê²
3. s.m. sensazion contrarie, di no podê sopuartâ alc o cdn.:  a pensâ che altris di lôr le strenzin, che le palpin cence discrezion, che altris le bussin su la bocje che e je une rose, mi da un riviel che o scuen cjalâ di une altre bande (Alan Brusini, Gian Paolo Linda, I forescj); la categorie e la espression di ‘culture locâl'mi procurave un riviel che no dîs, cul so savoriç di modestie sotane (Adrian Cescje, Memoriis di politiche linguistiche); al jere cjapât dal maljessi, dal sconfuart, dal riviel par ogni robe (Carlo Sgorlon, Il dolfin)
   Sin. insoference , malpazience , antipatie , asse¹ , aversion , contrarietât , intolerance , fastidi , repulsion , refût
4. s.m. sensazion fisiche di malstâ di stomi, viôt riviel di stomi
   Sin. disgust , nausie , rivoc , sens , magon , magot , rivesse , voltaleç , volt di stomi

Polirematichis e espressions idiomatichis

• fâ riviel loc.v.
• fâ riviel di stomi loc.v.