ribelion
/-òn/
ri|be|li|on
[AF]
-
s.f.
azion coletive di proteste, disubidience, contrast, refût e v.i. cuintri di un ordin, di une dissipline, di une autoritât:
jo lu declari colpevul di conzure cuintri l'Imperi, di ribelion a lis leçs e di vê cjapât part ai disordins dal tredis di Mai culì in Sant Denêl (Alviero Negro, Int di masnade);
al sucedè un câs di ribelion suntune nâf. Il Consei di Vuere al decidè di condanâ a muart trê marinârs (Giovanni Pillinini, Zuan Batiste Cavedalis - Une vite esemplâr)
Sin. alçament
, rivolte
, solevazion
, somosse
, riviel
Cfr. rivoluzion
, ribalton
-
s.f.
azion o compuartament o sensazion individuâl determinât di insoference cuintri di un ordin, di une dissipline, di une autoritât o ancje cuintri di une situazion:
el scugnî restâ simpri bessôl, in chê cjase, indulà che di Unviar nol bat mai soreli, plui di cualchi volte i puartave tal cûr une ribelion che al stentave a frenâ (Arturo Feruglio, I stivâi di Zuan Batiste);
Carlin al sintive che alc nol lave ben ator di lui e, sicome nol jere un leon e nancje un pensadôr, la sô ribelion al finì cul inneâle tal vin, une cjoche e dut al passave (Pieri Menis, Chei di Muraie)
Sin. riviel
, rivolte