rigjavâ
ri|gja|vâ
[AF]
-
v.tr.
rivâ a fâ un prodot a mieç di modificazions, trasformazions, aplicazions tecnichis e v.i.:
intun pâr di bregons dal so puar om, e rigjavà, a sun di fuarpiis e di gusiele, un pâr di braghessis lungjis par Ricut (Roberto Ongaro, Il muc);
Zuanfrancesc al lavorave di uce su lis armaduris par rigjavâ une Madone cui voi lusints e lis streçutis di aur sui timplis (Dino Virgili, La aghe da pît la cleve);
i pastôrs a rigjavavin il cali des lidrîs e dai flôrs dal Galium aparine (Margherita Timeus, Gianni Colledani, Casâr? No, «perfezionadôr»…)
Sin. gjavâ
, otignî
, tirâ fûr
Cfr. fâ
-
v.tr.
rivâ a vê un risultât, une consecuence, un vantaç:
[i imperadôrs] viodint che midiant de diplomazie no rigjavavin mai nuie, a cirivin di sfuarçâ la man a Rome cul impedî ai patriarcjis di visitâ chê part de diocesi che e jere di là (Josef Marchet, Cuintristorie dal Friûl fin sot la Italie)
Sin. vê
, gjavâ
, otignî
-
v.tr.
rivâ a vê tant che conclusion di une analisi:
al è ben viodi ce che si pues rigjavâ di un fat lontan tancj e tancj agnoruns e capî ce che la storie e pues insegnânus ancje in dì di vuê (Antoni Beline, La lezion de storie)
Sin. argomentâ
, concludi
, dedusi
, derivâ
, intuî
, lampâ
, olmâ
, prossumâ
, gjavâ fûr
, tirâ fûr
-
rivâ a vê une informazion:
dopo trê mês jê [la principesse] si inacuarç di sei incinte pardabon. Al fo dut un bisibili te famee reâl ma nissun nol podè rigjavâ alc (Andreina Nicoloso Ciceri, Maletegne - Racconti popolari friulani I)