Dizionari de Lenghe Furlane

nin¹  nin  [CO, FO]

1. s.m. (tiermin doprât soredut tal Friûl ocidentâl, ma ancje in dut il rest dal Friûl) persone che e à pocs agns, te etât de infanzie:  nine nane, biel pipin, / fâs la nane, fantulin; / il papà a seâ, / la tate a ristielâ, / la none e ten la lum / e il nin al mûr di sium (Popolâr - Zuan Nazzi Matalon, Ottorino Burelli, Nine nane, biel pipin - Sacheburache)
   Sin. frut , canai , nini , creature , bambin , frutin , pin² , pipin , mamul , fantuç
2. s.m. tant che apelatîf, di afiet o ironie, ancje riferît a zovins o oms:  ce faistu uvì? / Dai mo, sù, nin! (Federico Tavan, La nâf spaziâl)
   Sin. frut , ninin , nini
3. s.m. robe piçule o piçule cuantitât di alc, sedi materiâl che imateriâl, dispès in loc.av.:  a era rivada, un nin a la volta, a comprâsi na cotala da fiesta (Novella Cantarutti, Il pan da la Guda)
   Sin. ninin , tic¹ , pôc , fregul , tinin , tininin , tichinin