Dizionari de Lenghe Furlane

bambin  /-ìn/  bam|bin  [AF]

1. s.m. viôt frut¹ :  o ce biele ste bocjute, / o ce biel chest riçutin / jo ti cjanti: fâs la nane, / fâs la nane, mio bambin! (Bruno Paolo Pellarini, Ninenane); al met jù la bambina mezana, di un cuatri agn al incirca: "Tegnila" i dîs a la granda: "stait ca, torni subit" (Federigo Comelli, Il me paîs)
   
   1. ancje cun iniz. maiusc., in particolâr in riferiment a Crist cuant che al jere a pene nassût, massime in oparis di art o tal presepi o tes cerimoniis di Nadâl:  si sês visâts di meti, in cualchi cjantonut [dal presepi], ancje la Madone cul Bambin e Sant Josef? (Josef Marchet, Lis predicjis dal muini); su la façade si viodeve une Madone cul Bambin tune rose di rais che a someavin lenghis di fûc (Pieri Menis, Chei di Muraie)
2. s.m. (ancje iron.) in invocazions, tant che apelatîf di afiet, o ancje par volê di a cdn. che al è pôc inteligjent:  «Il papà, bambin, al è pal mont par vuadagnâ di vivi par dute la famee: tu tu âs di pensâ dome di jessi bon e di cressi, che dopo tu larâs tu pal mont e to pari al starà a cjase…» (Pieri Menis, Cjasute dai ricuarts); "No tu vûs capîle?" i dîs il fari. "Spiete cumò tu, bambin!" (Luigi Gortani, Meni Fari)
3. s.m. (fig.) persone furbe, ma che e fâs fente di jessi gnogne:  vuarditi di chê bambine (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. bolp , bolpat , cjai , filon , fiube , furbacjot , furbaç , furbat , ghigne , lane , plume , gjate bagnade
   
   1. persone pôc inteligjente o che e fâs alc mâl, ancje tant che ofese gjeneriche:  "Ma cjale chel bambin di predi ce che i à fat pensâ!" (Bruno Paolo Pellarini, Amôr in canoniche)
      Sin. benedet , biât

Polirematichis e espressions idiomatichis

• can dal bambin loc.inter., loc.s.m.

Proverbis:

• lat e vin mace il bambin