Dizionari de Lenghe Furlane

ghigne  ghi|gne  [AF]

1. s.f. muse brute, spec. cuntune espression triste o strassomeade:  al veve za tirât fûr il stilet par copâ i pescjadôrs, cuntune ghigne di fâ spavent (Raffaele Serafini, Soreli jevât a mont); lis mascaris a balin, là vie, su la strade, cu la muse matarane de ligrie e la ghigne ridicule de satare (Dino Virgili, La aghe da pît la cleve)
   Sin. musate , brute muse
   Cfr. cei , bocjate
   
   1. (coloc., spres.) muse, in gjenerâl:  «O mertaressis che us spudàs in ghigne» (Maria Forte, La tiere di Lansing); nol à vude nancje la creance di dînus che nol vignive. Cussì nol à mostrade la sô ghigne e no nus à mandât un so amì o colaboradôr a compagnânus (Antoni Beline, Sant Jacum, là che al finìs il mont)
      Sin. muse¹ , brute muse , musate
2. s.f. (spres.) persone triste, disoneste, violente:  nol veve di passâle slisse il comandant di chês ghignis che lu vevin ridot in chei stâts (Roberto Ongaro, Il muc); al fo, tor miezegnot che ciertis ghignis a saltarin fûr de cjase dal cjaliâr (Maria Forte, Cjase di Dalban); o disfidìn cualunche ghigne politiche a mostrâ che o sin stâts noaltris a voltâ bandiere! (Josef Marchet, Dongje e lontan)
   Sin. cef , sgrimie , ligjere , galere , figure porche , muse improibide , delincuent , criminâl , rem di galere , forcje

Polirematichis e espressions idiomatichis

• ridi in ghigne loc.v.
• ridi su la ghigne loc.v.