bolp
/-ò-/
bolp
[AF, TS]
-
s.f.
zool.com.
animâl salvadi de famee dai Canidis, lat. sient. Vulpes vulpes, cun cuarp snel, music spiçât, pêl rossit e blanc, orelis grandis e dretis e une code lungje e fisse, che al mangje spec. piçui mamifars e uciei:
si saveve che tal bosc, sù pe mont, e tes gleriis, di bolps a 'nd jere, ma di chês rabiosis no 'nt si veve mai sintût a mutivâ nancje un câs (Renzo Balzan, La rabie de bolp);
e vevin, nô, dôs gjalinutis, ma une nus e à portade vie la bolp (Bepo Marion, Il miedi dai puers);
a vivevin intun bosc une bolp e un lôf so compari (Luigi Gortani, La bolp e il lôf)
Var. volp
-
s.m.
[BF]
râr tal masc. par segnâ l'individui masculin di chel animâl o ancje chel animâl in gjenerâl
Cfr. bolpat
-
s.f.
la pelice di chel animâl:
te spolvarine cul so cuel di bolp (Meni Ucel, Sistemâts)
-
s.f.
(fig.)
in metaforis o paragons par dî di cdn. che al à tante inteligjence e furbetât:
e jere une femine tracagnote, plui largje che alte, svelte come la bolp (Tarcisio Venuti, Mê agne Veroniche)
Sin. dret
, dreton
, bolpat
Proverbis:
- ancje lis bolps vielis si lis cjape
- cuant che la bolp e predicje, voli a lis ocjis
- cuant che lis bolps si consein, sierait il gjalinâr
- cul plui bati la strade, la bolp si cjape tal fier
- il jeur al vîf a jerbe, la bolp a gjalinis, e a son grues compagns
- la bolp e à pôre de sô ombre
- la bolp e lasse il pêl ma il vizi no
- la bolp e mude il pêl ma il vizi mai
- la bolp e piert il pêl ma no la piel
- la bolp no fâs mai mâl là che e à la tane