pipin
/-ìn/
pi|pin
[AF]
-
s.m.
frutin piçul:
il pipin riçotin, e blanc e ros come un miluçut, la cjareçave e la strenzeve cu lis sôs manutis [sô agne] come se e fos stade sô mari (Catarine Percude, La plui biele);
cicì ninà, pipin di scune / che la mame si consume (Zuan Nazzi Matalon, Ottorino Burelli, Sacheburache)
Cfr. pup
, bambin
, nin1
, pupin
, pin2
-
s.m.
zuiatul che al à la forme di un frut, massime di piçul, o di une persone o ancje di un animâl:
Sante Luzie mi à puartât un biel pipin (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
Gertrud e veve cjapât in man un di chei pipins, un ors, intun casselot di un grant supermarcjât (Raffaele Serafini, Soreli jevât a mont)
Sin. pipinot
, pipine
Var. pupin
-
s.m.
(fig.)
persone debile che si lasse dominâ e doprâ di chei altris:
ducj i parons di chest mont a odein lis personis; a volaressin vê dafâ nome cun pipins: pipins che a si movin, che a corin, che a lavorin, ma cence pensâ, cence criticâ, cence contindi (Josef Marchet, Personis e pipins)
Sin. marionet
, marionete
, purcjinel
, om di stope
-
s.m.
cualsisei manufat o rapresentazion che a vedin aspiet di persone o ancje di animâl:
ti viôt parsore la puarte di une androne un pipin che al rapresente une vecje cul pestel in man (Arturo Feruglio, Viaç a Vignesie);
la glesie e jere piçulute, dute sfodrade di rosis, di pituris e plene di pipins di len (Dino Virgili, La aghe da pît la cleve);
chel canaie, al mi à mitût un pipin di stran par imbroiâmi (Dolfo Zorzut, Eh! in chist mont, par doventâ siôrs, si dovi robâ)
Sin. pipinot
-
s.m.
(fig.)
in metaforis o comparazions, frut ancje no piçul o zovin o om une vore biel, net, elegant:
[o volarès] un omp che al fasès zirâ el cjâf a dutis lis feminis, ma che al fos nome par me! … Un pipin! (Arturo Feruglio, Lis cjichis dal papà);
Menie e veve vût il so dafâ cui fradis, lavâju e pontâju, che ju tignive come pipins, insegnantjur il vivi dal mont e la creance (Pieri Menis, Chei di Muraie)
-
s.m.
[AF, TS]
graf.
massime tal pl., dissen di figuris che a rapresentin une situazion, une sene o une storie, dispès cun didascaliis o batudis scritis tai fumuts e gjenar grafic cun chês rapresentazions:
Sandri Di Suald, val a dî Alessandro D'Osualdo, che al conte la storie dal mitic fumut: "Al è nassût inte fervence de rinassite che si respirave tal indoman dal taramot. Inte nestre produzion culturâl a mancjavin i pipins e jo o ai decidût di provâ" (Redazion Lenghe.net, Bon complean, Tarvos!)
Sin. fumet
, fumut
, pipinot
-
cinem., telev.
cine o audiovisîf cui dissens animâts:
dopo o viodarai ancje i pipins di Walt Disney (Pieri Somede dai Marcs, Il prossim)
-
cualsisei figure rapresentade te stampe o mandade par television o sim.:
come ducj, ancje i furlans, a prin colp, a son restâts inceâts denant dal gnûf imprest. Incjantâts a cucâ i pipins a movisi e a tabaiâ inta chê suaze lusinte (Riedo Pup, I furlans e la television)
-
s.m.
(ancje fig.)
rapresentazion di une persone o di un cjâf di persone di une bande di une monede o medaie e bande di une monede o di une medaie li che e je chê figure:
[la propagande] e mostrave no il pipin, ma la corone de medaie simpri lusinte de vuere danade (Alan Brusini, Alpin jo mame!)
Cfr. corone