Dizionari de Lenghe Furlane

li¹  li  [FO]

1. av. intun lûc lontan o no tant dongje di cui che al fevele:  voltiti cumò e poiti li, tor dal mûr (Roberto Ongaro, Il muc)
   Sin. culà , culà vie , là vie , lenti , là , venti , venti là , alì , alà
   
   1. intun lûc a pene dit o che si capìs dal contest:  Tinorio cuant che al jere piçul, invezit di fâ di mangjâ ai nemâi, al plantave suntun rivâl une scjaipule cuntun pâr di vergons, e li al sivilutave dute la matine (Catarine Percude, L'oseladôr)
   2. ancje cun valôr gjeneric:  un trop di machinis parcadis mo chi mo li, che a jemplavin dut il spazi da la place (Franca Mainardis, Il sium di Lissandri)
   3. ancje cence valôr locatîf par indicâ insistence, ripetizion di peraulis, azions e v.i.:  prove cumò / a tornâlu a dî/ il to no chi e no li / parinus vie/ metinus in rie (Raffaele Serafini, B123ST)
      Sin. jù , là , sù , chi¹ , ca¹ , culà , culì
2. av. intun moment, intune situazion, intune cundizion che si capissin dal contest:  al sbassà il cjâf e li jù pugns, pidadis, muardudis, sgrifignadis… un cjadaldiaul (Dino Virgili, La aghe da pît la cleve); si davin dongje in place ator dal pâl dal agnel: in prime file i fruts e daûr di chê corone vive, zovins e vecjos, oms e feminis misturâts e li a ridi e bocjassâ cul nâs par aiar (Pieri Menis, Une cotule pal dì de sagre); a sîs agns come ducj i fruts di chê etât o soi lât a scuele, e li a scomencin i dolôrs (Mario Beltramini, Jo e Graziella)
   Sin. alore , culà , culà vie , là vie , lenti , là , venti , venti là , alì , alà , ca , ca ret , culì
3. av. ancje dome cun valôr enfatic:  cjalilu li, nancje di cognossilu, gras tant che une bafe! (Alan Brusini, Come tai romançs)
   Sin. alì , là , ca , chi , alà
   
   1. par dâ plui fuarce a "chel":  chê frute li mi fasarà murî! (Gianni Gregoricchio, Trê feminis); il pari de nuvice al lasse in bande la malinconie: chê li e je une zornade di fieste e alore che fieste e sedi! (Cristina Noacco, Faliscjis)
      Sin. alì , là

Polirematichis e espressions idiomatichis

• butâ li loc.v.
• li che loc.coniun.
• li di loc.prep.
• li e li par loc.prep.
• li li par loc.prep.
• li par loc.prep.
• li par li par loc.prep.
• li ret loc.v.
• stâ li loc.v.