Dizionari de Lenghe Furlane

li che    [FO]

1. loc.coniun. cun valôr locatîf par introdusi relativis, interogativis indiretis o ancje interogativis diretis cence inversion dal pronon subiet aton:  su la voltade, subit dopo dal puintut di len, li che la stradute di Cleve e va fûr te Strade Disot, al comparì Zuanat (Dino Virgili, La aghe da pît la cleve); lui nol saveve nancje plui li che al jere (Alan Brusini, Par stradis lungjis)
   Sin. dulà che , là che , indulà che
   
   1. ancje in riferiment a alc che nol è un lûc fisic, ma un moment, un argoment, une situazion, une eventualitât e v.i.:  la jessude dal cuarp e je piturade dai benandants tant che un viaç ben reâl dal spirt, li che al podeve jessi il passaç di une aghe, il lâ in chel altri mont, o ancje in zonis cognossudis (Sandri Carrozzo, Jenfri vîfs e muarts); chescj a son i setôrs li che fin cumò si è fissade la atenzion dai studiôs (Raimont di Strassolt, Marcjât e cuistion furlane)
2. loc.coniun. ancje par introdusi une precisazion, une esplicazion:  «O ai scomençât intune piçule radio di Puart, Lt2. Li che "L" al stave par Livence e "T" par Tiliment» (Dree Venier, Il dj pendolâr)
   Sin. dulà che , là che , indulà che
3. loc.coniun. par introdusi une aversative:  la provincie di Udin e à pierdût trê voltis tant la medie taliane [te produzion di redit] (-16% cuintri il -5,7%), li che invezit la provincie di Triest e je cressude dal 2,3% (Erika Adami, Friûl cence progjet e direzion. Ma la sperance di avignî si pues tornâ a fâ sù); Marx al calcolave il svilup industriâl, disseparât dal capitalisim, tant che un model e un procès positîf pe liberazion dal om de dibisugne. Li che, in realtât, cheste dipendence no je separabile di une economie fondade sul industrialisim (Fabian Ros, La invenzion dal stât)
   Sin. là che , dulà che , intant che , invezit , impen¹ , indulà che

Components:

• li¹ av.