Dizionari de Lenghe Furlane

là che    [FO]

1. loc.coniun. cun valôr locatîf par introdusi relativis, interogativis indiretis o ancje interogativis diretis cence inversion dal pronon subiet aton:  ogni volte che o pues fâlu o scjampi a Zeà, tal paisut là che o soi nassût (Pieri Menis, Cjasute dai ricuarts); "Dulà vâstu po, fantacine?" "No viodêso là che o voi? a passon" (Luigi Gortani, La fie e la fiastre)
   Sin. dulà che , li che , indulà che
   
   1. ancje in riferiment a alc che nol è un lûc fisic, ma un moment, un argoment, une situazion, une eventualitât e v.i.:  la fede in Lui al vûl dî lassâsi puartâ di Lui, crodi ancje là che no si rive adore di viodi (Francesc Placerean, Crodi e mût di crodi); al è un mistîr, dissal, là che e covente pazience e perseverance (Riedo Pup, Politiche estare dal Friûl)
2. loc.coniun. ancje par introdusi une precisazion, une esplicazion:  o sin rivâts a la religjon de vuere. Là che la vuere, che pûr no à mai risolt nuie ma dome semenât muarts e ruvinis, e ven considerade la uniche soluzion (Antoni Beline, La religjon de vuere)
   Sin. dulà che , li che , indulà che
3. loc.coniun. par introdusi une aversative:  la Bete i da un «mandi» tant che al ves di tornâ doi dîs dopo, là che invezit al sarès tornât vot mês dopo (Meni Ucel, Rosaris); cun di plui, là che une volte, cuntune monture si faseve dut e si leve pardut, vuê, invezit, la mode e à convint la int che, prime di dut al covente il vistît, la divise (Riedo Pup, I furlans e la mode)
   Sin. li che , dulà che , intant che , invezit , impen¹ , indulà che

Components:

• là av., inter.