Dizionari de Lenghe Furlane

dulà che    [FO]

1. loc.coniun. cun valôr locatîf par introdusi relativis, interogativis indiretis o ancje interogativis diretis cence inversion dal pronon subiet aton:  lant indevant cuintri aghe si rive subite dulà che e nas la Livence (Dino Virgili, Un riul tra Venit e Friûl); cui sa il mio moro, dulà che al è, / cui sa il mio moro, dulà che al è / al è in Gjermanie, a fâ scudielis, a fâ planelis, a fâ modon, / al è in Gjermanie a fâ modon (Popolâr, Cui sa il mio moro, dulà che al è?); dulà che i ai cognossût Bombie? Bombie Bombie Bombie… ma lui a no si clama cussì, encja se chistu nol impuarta trop. […] Cui si visial? (Stiefin Morat, Donald dal Tiliment)
   Sin. là che , li che , indulà che
   
   1. ancje in riferiment a alc che nol è un lûc fisic, ma un moment, un argoment, une situazion, une eventualitât e v.i.:  un istant dulà che dut mi pareve che si fos fermât (Stiefin Morat, Kebar krossè); une situazion dulà che la vite e je in pericul (Franc Fari, Il cjâf dai furlans)
2. loc.coniun. ancje par introdusi une precisazion, une esplicazion:  nô furlans o capìn la peraule di Diu, disìnle in curt, par furlan. I fradis slovens le capissin par sloven. Dulà che a no je dome cuistion di lenghe, e je cuistion di mût di sintî, di mût di esprimisi, di mût di capî (Francesc Placerean, La Glesie e à di lassâ i popui come che a son e fâur di levan seont la lôr paste)
   Sin. là che , li che , indulà che
3. loc.coniun. par introdusi une aversative:  di piçule o levi plui dispès a messe, o levi anzit ogni domenie, dulà che cumò mi capite di saltâle (AAVV, Sul florî)
   Sin. li che , là che , intant che , invezit , impen¹ , indulà che

Components:

• dulà av., s.m.