Dizionari de Lenghe Furlane

invezit  /-è-/  in|ve|zit  [FO]

1. av. cun valôr aversatîf, par introdusi o rimarcâ une oposizion:  i pareve che lant di chê bande e scugnive rivà sul Cormôr che, di li, e leve drete a cjase. Invezit chê e jere une altre mieze cueste che e leve viers misdì, ven a stâi de bande ledrose (Alan Brusini, Come tai romançs); la Bete i da un «mandi» tant che al ves di tornâ doi dîs dopo, là che invezit al sarès tornât vot mês dopo (Meni Ucel, Rosaris); e someave une robe di passaç, […], ma invezit se veve segnade daûr de orele (Antoni Beline, Pre Pitin)
   Sin. a la ruvierse , al contrari , impen¹ , ma , ma ben , però
   Var. invezi , inveci , invenzi , invezite , invizi

Polirematichis e espressions idiomatichis

• invezit che loc.prep.
• invezit di loc.prep.