al contrari
[AF]
-
loc.av., loc.coniun.
par introdusi o rimarcâ une oposizion o une diference:
cuasi in dute la Italie a zirin da un pieç ciertis storielis, naturalmenti inventadis in grant part, indulà che i abitants di Cuneo a fasin la figure di mincjons. In Friûl, al contrari, disot da Fele, si contin des flabis sun chel ton istès par cjoli vie i Cjargnei (Luigi Gortani, Il prin gjat a Glemone);
e tant e tant chest cjan / l'à cûr di lamentâsi del brût penç! / E chei al contrari che cuistin il pan / a fuarce di fadiis, pûr son contents, / sofrissin cun pazience / e si bandonin a la Providence! (Pieri Çorut, Gnûf regolament)
Sin. dut al contrari
, invezit
, impen1
-
loc.av., loc.adi.inv.
in mût, dierezion, viers e v.i. che al è il contrari di chel normâl o di un altri che al fâs di riferiment:
"Al è stât chel porco di mio fradi, colpe di chest! Al è stât lui che le à disonorade! […]" "A mi mi pâr che la robe e je lade al contrari. Cumò jal disevi a la Bise, che lis feminis a ti tirin a ciment…" (Luciano Rocco, La foghere);
patriotisim al contrari che si manifeste simpri cuant che une etnie le ten jù scliçade une plui fuarte: lis classis dirigjentis des etniis plui debilis […] si disponin, in forme masochistiche, a deventâ difensôrs de etnie dominante (Adrian Cescje, Memoriis di politiche linguistiche)
Cfr. par ledrôs
, denant daûr
Components: