Dizionari de Lenghe Furlane

dulà  du|là  [FO]

1. av. in proposizions interogativis diretis e indiretis o in proposizions esclamativis, in ce lûc:  che mi disi, dulà menie chê puarte là? (Fabian Ros, La rambe); [di libris] o 'nd ai tancj che no sai dulà metiju (Meni Ucel, Culumiis)
   Sin. là , indulà , adulà
   Var. dolà , do¹
2. s.m. lûc:  i veve dât un apontament cence nancje dîi la ore, il dulà e il cemût (Fabian Ros, Eivissa mon amour)
   Sin. lûc , puest¹ , sît

Polirematichis e espressions idiomatichis

• dulà che loc.coniun.
• savê dulà che il diaul al ten la code loc.v.

Proverbis:

• la lenghe a bat dulà che il dint al dûl
• si sa dulà che si è ma no dulà che si larà a rivâ
• si sa dulà che si è, ma no dulà che si rive