Dizionari de Lenghe Furlane

gramolon  /-òn/  gra|mo|lon  [CO]

1. s.m. [TS] imprest di len par strenzi e rompi i fuscj di cjanaipe o di lin, in mût di podê gjavâ lis fibris, plui grant de gramule:  [lin e cjanaipe] a si suievin tal soreli e cuant che a erin ben secs a si ju passeva, prima, tal «gramolon» di len, par dividi i stecs dai fii. Dopu la prima passada sul «gramolon» in môt di gjavâ fora il pi gros, a si ju passeva su la «gramula» (Mario Giovanni Battista Altan, Vistîts di una volta e môt di fâju)
   Cfr. gramule
2. adi., s.m. (fig.) che, cui che al mangje tant
   Sin. ingort , 'sâf , diluvion , pacasson , pacàs , pacassot , bocjàs , bocjonat , mangjon , slapon
   Var. gramulon
   Cfr. purcit , seglâr , laip , golôs , lecardin , fraion , fraiot
3. adi., s.m. (fig.) che, cui che al devente siôr puartant vie a chei altris, in particolâr robant bêçs publics:  pitost di molâ [e lassâ che in Italie a sedin autonomiis], i gramolons di ogni fate a scjadenaressin une vuere civîl (Josef Marchet, La gnespule malmadure)
   Sin. bocjonat , ladron , lari , lôf , lovat , pacàs , pacassat , mangjepan , mangjepan dibant , sanguete , mangjon