laip
laip
[AF]
-
s.m.
contignidôr di piere o di altri materiâl li che si met la aghe pes bestiis:
la frutate si jere cambiade di vistîts e ti jere lade a judâ Primo a preparâ il fen pes bestiis, la aghe tal laip, il stranc par stierni (Pieri Menis, Chei di Muraie);
tirâ la aghe tal laip par beverâ la vacje (Roberto Ongaro, Il muc)
Cfr. mangjadorie
, grepie
-
vascje di piere o di ciment sot di une fontane:
Tunin al si poià cuintri il laip di une fontanute (Domeni Zannier, La crete che no vai);
dopo, là jù! Rivâ sfladassant di vore, fûr la tute, jù cul cjâf tal laip de fontane (Dino Virgili, La aghe da pît la cleve)
Sin. lavel
Cfr. seglâr
-
s.m.
grant contignidôr pe aghe intune farie:
cuant che al è ben ben infogât, cu lis tanaiis lu gjave fûr, i da cul mai sul incuin cuatri sunadis di chês del numer un, e par ultin lu sclope dentri ta la aghe del laip grant açò che al cjapi la tempere (Luigi Gortani, Il mestri sore ducj i mestris)
-
s.m.
contignidôr di piere o di altri materiâl li che si met il mangjâ pes bestiis, soredut pai purcits:
[...] zint a butâighi un crussul di blava intal laip dal pursit (Ovidio Colussi, Mario Friûl)
Sin. lavel
-
(fig.)
situazion li che si profitisi, li che si cjape cun imoralitât:
dopo vê gramolât tal laip di Rome al scuvierç la sô vene furlaniste (Claudio Violino, Autonomisim: a ce pont sino?)
Proverbis:
- no covente cjalâ il laip, covente cjalâ il purcit
