lavel
/-èl/
la|vel
[CO]
-
s.m.
furniment di bagn, o soredut une volte ancje di cjamare, li che si poiave o li che al jere montât un cjadin par lavâsi e dongje une bocalete pe aghe, in timps plui modernis formât di un ingjâf in forme di cjadin cun parsore la spine de aghe
Sin. lavandin
, lavemans
, lavabo
-
s.m.
vascje di piere o di ciment sot di une fontane:
la femine e cjapà sù il seglot [cu la robe insavonade], ma Eliseo jal cjolè di man e lu puartà lui fin dongje il lavel. Rita e resentà dute la robe e le metè sul fîl di fier a suiâ (Carlo Sgorlon, Prime di sere)
Sin. laip
Cfr. seglâr
-
s.m.
contignidôr di piere o di altri materiâl li che si met il mangjâ pes bestiis, soredut pai purcits:
al salte sù il purciel, / po al torne cul music tel so lavel (Pieri Çorut, Il mio tratament);
[il contegn dal purcit] l'è trancuîl e biel / baste che al vedi blave intal lavel (Pieri Masut, Sul purcit)
Sin. laip
