seglâr
se|glâr
[AF]
-
s.m.
sorte di plan o vascje dulà che une volte si metevin lis selis di aghe par lavâ la robe di cusine, vuê furniment de cusine formât di un o doi ingjâfs cuntune spine di aghe:
la «cjase», chê che cumò a clamin «cusine», uniche stanzie de vite cuotidiane, e jere furnide di spolert, taule, seglâr cui cjaldîrs pe aghe (Roman Michelot, La cjase dai contents);
o doi la ultime taçute di aghe a Lucio. Daspò le puarti tal seglâr, le resenti e le met tal disgoteplats (Igor Londero, Delit in vie del Lavoro)
-
(estens.)
spine de aghe parsore di chel plan o ingjâf:
ce buine aghe frescje che e vignive fûr dal seglâr! (Checo Tam, Sic transit gloria mundi)
-
s.m.
(fig., scherç.)
persone che e mangje o che e bêf une vore e di dut:
sêstu di gnûf che tu mangjis? Ce seglâr che tu sês!
Sin. laip
, mangjon
, pacàs
, 'sâf
, plere
, gorne
-
veicul che al consume une vore:
"Setantecinc. Twin Spark, tignude un an e mieç. Un seglâr" (Massimo Govetto, Bire su Pluton)
Proverbis:
- i cjacarons a son tant che seglârs: no tegnin dentri nuie