mangjadorie
/-ò-/
man|gja|do|ri|e
[CO]
-
s.f.
tes stalis, casson li che si met la mangjative aes bestiis:
emplii la mangjadorie / di bon fen e di buine cincuantine; / dai cualchi pugn di sâl, / e cualchi bevaron (Pieri Çorut, La vacje)
Sin. grepie
, tresêf
Var. mangjadore
Cfr. laip
-
contignidôr ancje piçul pal mangjâ dai animâi, par esempli tes scjaipulis:
lis mês alis son dibant. / Ca ogni dì la stesse storie / un saltut, l'è il bevadôr, / un saltut, la mangjadorie: / e tal cûr simpri dolôr (Emilio Nardini, Il presonîr)
-
s.f.
(fig., scherç., spres.)
situazion o implei, massime public, o ancje ent public che al permet di vuadagnâ cence fadie:
par putrope int, par dute chê int che e vîf cu la mangjadorie burocratiche, si trate di difindi posizions di comant e interès capitâi (Josef Marchet, 80 discors);
cuant che al è il bêç intal mieç, lis robis a stan pôc a ruvinâsi. E se mangjadoriis a son, ben si fâs a denunziâlis (Laurin Zuan Nardin, Letaris sul confin)
Sin. baze
, bubane
, grepie