grepie
/grè-/
gre|pi|e
[AF]
-
s.f.
tes stalis, casson li che si met la mangjative aes bestiis:
Ulive, cu la forcje, e comedà il patùs e e butà une grampe di fen te grepie (Maria Forte, La tiere di Lansing);
la prime glesie no ise stade une stale! Il Signôr no isal nassût te grepie! (Riedo Pup, I furlans e la stale)
Sin. mangjadorie
, tresêf
Cfr. laip
-
s.f.
(fig., scherç., spres.)
situazion o implei, massime public, o ancje ent public che al permet di vuadagnâ cence fadie:
cualchi menadôr di partît par politiche o pe grepie al trombete o al trombone su cualchi place o tal aradio! (Pieri Somede dai Marcs, La bandiere);
no vin mai lecadis lis scarpis a un grant partît fin al moment di gaspâ une buine grepie (Josef Marchet, Svelts e dordei)
Sin. baze
, bubane
, mangjadorie
-
s.f.
(pop.)
femine indevant cui agns:
un pôc grepie la agne Zine, ma che, di istès, e rivà adore a dâi une fie (Maria Forte, Cjase di Dalban)
-
s.f.
[TS]
tecn.
imprest di metal doprât tes gjavis, in forme di coni, che si insede intune buse fate di pueste intune piere, in mût di podê tacâ cuardis o cjadenis par tirâ o alçâ la piere stesse
Proverbis:
- cui che al mangje te grepie, al scuen tirâ la carete