Dizionari de Lenghe Furlane

gaspâ  gas|pâ  [BF]

1. v.tr. cjapâ cun fuarce e cun sveltece:  [...] par vie dal gjat che al à gaspade une crodie di ardiel (Josef Marchet, Lis predicjis dal muini)
   Sin. cjapâ , grampâ , brincâ , brancâ , gatamâ , dâ la gafe , çafâ , gafâ , gasparâ
   
   1. cjapâ o otignî alc, ancje cul ingjan, cu la violence o cuintri di un dirit
2. v.tr. cjatâ, cjapâ cdn. che nol vûl jessi cjatât:  il sorestant Scelba [...] lu clamin bon di nuie parcè che nol rive adore di gaspâ il brigant Giuliano (Redazion Patrie dal Friûl, I brigants de Sicilie e i terons di Triest)
   Sin. becâ , cjapâ , curâ , dâ la gafe , dâ la trate , brincâ , gatamâ , gafâ
3. v.tr. rivâ a vê, a otignî, a doprâ, a vê un vantaç o une ocasion:  no vin mai lecadis lis scarpis a un grant partît fin al moment di gaspâ une buine grepie, par voltâi lis spalis l'indoman e jentrâ intun altri partît (Josef Marchet, Svelts e dordei)
   Sin. cjapâ , cjoli , gafâ