Dizionari de Lenghe Furlane

gafâ  ga|fâ  [AF]

1. v.tr. cjapâ cun fuarce e cun sveltece:  [pai rapinadôrs] gafâ il sac e sparî cui trente milions al è dut un e al diretôr no i reste altri che di sunâ l'alarme (Fabian Ros, La rambe); noaltris fruts si rivave a gafâju [i gjambars] come nuie e a implenâ un zei di lidric tun marilamp (Gianni Colledani, Cuant che i gjambars a polsavin sui arbui)
   Sin. cjapâ , grampâ , brincâ , brancâ , gatamâ , dâ la gafe
   
   1. cjapâ o otignî alc, ancje cul ingjan, cu la violence o cuintri di un dirit:  par gafâ cuatri carantans si jere fat amigo dal Anticrist, e al veve vude part ai siei delits (Carlo Sgorlon, Il dolfin); Hitler nol sa plui ce altri gafâ e alore intal cuaranteun al gafe la Russie (Ivano Urli, Storie di Vera)
2. v.tr. (fig.) cjatâ sul fat cdn. che nol vûl jessi cjatât:  lu viôt, lu gafi tal fat. Lui nol fâs nencja fenta (Stiefin Morat, Donald dal Tiliment)
   Sin. becâ , cjapâ , curâ , dâ la gafe , dâ la trate , brincâ , gatamâ
3. v.tr. (fig.) rivâ a vê, a otignî:  lis fuarcis nazionalitariis (EH Bildu e Geroa Bai) a vuadagnin consens, ma no rivin a gafâ nissun deputât (Marc Stolf, Scozês e galês in place)
   Sin. cjapâ , cjoli
   
   1. (fig.) rivâ a profitâsi, a vê un vantaç, a doprâ:  [Vignesie] e saveve ben gafâ ogni ocasion di vuadagn (Angelo Floramo, Il Tabac: une mode une vore antighe); il moment al è pardabon cumò e si scuen gafâlu cuant che al rive (Oscar Puntel, Un cjargnel al Concerton di Rome dal Prin di Mai: lis emozions di Doro Gjat)
4. v.tr. (fig.) di umôr, istint, impuls, sensazion e v.i., jentrâ dentri di une persone, di buride, cun fuarce, cuintri de volontât de persone stesse e v.i.:  fin che i voi a son sierâts il mâl no mi gafe (Laurin Zuan Nardin, Cui sêstu?)
   Sin. cjapâ , cjoli , strenzi
   
   1. fâ un ciert efiet, une cierte impression:  o stevi contemplant sorepinsîr un dai miei tancj presepiuts e la mê atenzion e je stade gafade dai pastôrs (Antoni Beline, Sant Jacum, là che al finìs il mont)