Dizionari de Lenghe Furlane

fladâ  fla|dâ  [CO]

1. v.intr. respirâ, cjapâ dentri e mandâ fûr aiar, in câs ancje cun fadie o par ripiâsi de fadie:  vie pe gnot al fo un biel cidin e Laurinç al sintive Barbure che e fladave, e chel fladâ i dave sigurece (Agnul di Spere, I prâts des Savodagnis)
   Sin. asimâ , ansimâ , ansiâ , felâ , tirâ la asime , asulâ² , asedâ , ansâ , sfladâ , tufâ , respirâ , soflâ
2. v.intr., v.tr. (fig.) di lûc, ambient, timp, machinari e v.i., mandâ fûr aiar, vapôr, fum, odôr e v.i.:  la planure verde e fladave, fin al glereâl dal Tiliment (Agnul di Spere, Une dì de tiere)
   Sin. sfladassâ , tufâ , sfladâ
3. v.intr. soredut in espressions negativis, fevelâ a pene, dî alc:  pari e fi si son cjalâts intai voi cence fladâ (Mario Tomat, La cjase dal nono)
   Sin. dî et , dî cic
4. v.intr. di aiar, vapôr, fum, odôr e v.i., vignî fûr, lâ ator:  dal mâr / la bavesele e flade (Domeni Zannier, La ancure te Natisse)
   Sin. sfladâ