tufâ
tu|fâ
[CO]
-
v.intr., v.tr.
soflâ fuart, butâ fûr cun fuarce, dal nâs o de bocje, aiar o in câs fum o altri:
la camarele […] si sentà dongje Eliseo, tufant e menant il cjâf (Carlo Sgorlon, Prime di sere);
Pieri al començave a tufâ [pe rabie] come i taurs cul nâs imberdeât tal anel, e la code che no rive a diliberâ la piel des becadis dai tavans (Domeni Zannier, La crete che no vai);
dan aduès tufant velen (Toni Broili, I gjats)
-
vê un odôr tal flât:
e tufave di ai (Pieri Çorut, Une gnove citât in Friûl - Il velion)
-
v.intr., v.tr.
(fig.)
di lûc, ambient, timp, machinari e v.i., mandâ fûr aiar, vapôr, fum, odôr e v.i.:
in stazion un treno al jere pront cu la machine che e tufave tant che un vulcan (Pieri Menis, La setemane rosse);
la cjase e tufe bogn odôrs: lidric e ûfs dûrs (Dino Virgili, Sabide di fruts)
Sin. sfladassâ
, sfladâ
-
v.intr.
fâ sintî o fâsi sintî cuntune sensazion di pression, di cjalt, di pulsazions:
il vin i burlave tes orelis, i tufave tes venis e, alore, il cjâf si discjamave di alc (Maria Forte, La tiere di Lansing);
il sanc di Atile al tufave di asse e di svindic (Josef Cjargnel, Atile a Aquilee)