distribuî
dis|tri|bu|î
[CO]
-
v.tr.
disponi, meti, assegnâ e v.i. daûr di un ciert criteri:
tal sisteme dai lûcs e jere distribuide la cognossince di mût che la struture gnoseologjiche de enciclopedie e jere parele de struture cosmologjiche di un univiers concludût, jerarchic, ordenât dal sempliç al complès, de unitât ae molteplicitât (Mario Turello, Il brevet)
Sin. comedâ
, disponi
, rangjâ
, regolâ
, sistemâ
, ordenâ
-
v.tr.
dâ, consegnâ, furnî, concedi e v.i. a plui di lôr, un tot par om o daûr di un ciert criteri, di une cierte domande, dibisugne, prioritât e v.i.:
par nô che le fasevin, la trasmission e jere un impegn une vore fuart. Prin des trasmissions o lavin dispès tal paîs o te zone che si varès tratât a distribuî volantins cjase par cjase (Max Mauro, Un Friûl difarent: i 90 mhz di Onde Furlane);
si puedin invezit analizâ plui tal detai i risultâts dal cuistionari anonim che al è stât distribuît ai students prime dal inizi de sperimentazion (Carlo Cecchini, Matteo Fogale, Une esperience di plurilinguisim inte didatiche de matematiche);
cun dutis lis scuelis che a son sul teritori e cun dutis lis opzions pal insegnament de lenghe furlane che a son stadis, chê cifre si polverizarès in sflichignis se si ves di distribuîle par ducj e cul criteri de semplice proporzion dai arlêfs (Adrian Cescje, Memoriis di politiche linguistiche)
Sin. concedi
, conferî
, dâ
, dâ fûr
, dispensâ
, puartâ fûr
, ripartî
, spartî
-
fâ rivâ a plui di lôr un prodot o servizi:
a podaressin zovâsi des esperiencis concretis dai Comuns dal Trentin che di bessôi - o midiant varis formis associativis par valade - a produsin e a distribuissin energjie cu lis lôr rêts (Franceschino Barazzutti, Centrâls idroeletrichis su la Fele)
-
fâ lis operazions che a coventin par che une opare cinematografiche, discografiche o une publicazion e sedi difondude:
Rumore Bianco al è stât produsût de Faber Film in coproduzion cu la societât svuizare Wildeside Media e al è cumò distribuît de Tucker Film, une societât metude adun dal CEC di Udin e di Cinemazero di Pordenon (Fabian Ros, "Rumore Bianco" jenfri lis aghis dal Tiliment)