Dizionari de Lenghe Furlane

braghesse  /-ghè-/  bra|ghe|sse  [CO]

1. s.f. massime tal pl., toc di vistiari che al cuvierç de vite injù, che si divît li dal cavalot e al tapone ognidune des dôs gjambis:  cussì fevelant al si disbotonà il patelon da braghesse (Luigi Gortani, Al marcjât di Vile); al si gjave il capot, gjachete e braghessis e al va tal jet sot des cuviertis (Pieri Somede dai Marcs, Al fresc)
   Sin. bregon
   Var. barghesse
   Cfr. boton¹ , cerniere , cavalot¹ , patele , patelon , traviers , culate , fondel , gjambe , cinturin , cinture , tirele , tiracje , sachete , trombe
   
   1. tal sing. si pues doprâ par dî une sole gjambe dai bregons:  si jere ingrampât intor des gjambis dal frutat e i veve smorseâts sgnic e braghesse (Gianni Gregoricchio, Îr e doman)
      Sin. trombe , bocul , gjambe

Polirematichis e espressions idiomatichis

• a cjaval des braghessis loc.av.
• meti lis braghessis loc.v.
• molâ lis braghessis loc.v.