Dizionari de Lenghe Furlane

bregon  /-òn/  bre|gon  [FO]

1. s.m. massime tal pl., toc di vistiari che al cuvierç de vite in jù, che si divît li dal cavalot e al tapone ognidune des dôs gjambis:  un pâr di bregons di tele clare (Roberto Ongaro, Cretevierte); si ravaiavin i bregons fin parsore i zenoi e po dentri a svuacarâ fra di lôr (Maria Forte, La aghe dal Ariul); cun calme al tirà sù i bregons e daspò si strenzè la cengle intor i flancs (Tarcisio Venuti, La cjase di Toni); bregons di corean, moschetis e scovet sul cjapiel, Stelboghen al jere un muc a la antighe (Alan Brusini, Amîs come prime); si impire i bregons curts, lis scarpis di gome, la maiute a riis coloradis e al va a pierdisi tai cjamps e pes culinis (Alan Brusini, Par stradis lungjis)
   Sin. braghesse
   Var. bragon
   Cfr. boton¹ , cerniere , cavalot¹ , patele , patelon , traviers , culate , fondel , gjambe , cinturin , cinture , tirele , tiracje , sachete , trombe
   
   1. tal sing. in gjenerâl si dopre par dî une sole gjambe dai bregons:  i veve dade une man [al pizighet] a tirâ un bregon e la manie di une gjachete [di un muart] (Alan Brusini, Par stradis lungjis)

Polirematichis e espressions idiomatichis

• meti i bregons loc.v.
• molâ i bregons loc.v.
• tirâ jù i bregons loc.v.

Proverbis:

• a fuarce di tacons, si mude i bregons
• a pissâ cuintri aiar, si sporcje i bregons
• a Sant Simon, cui che al à i bregons di tele al è un mincjon
• cui che al à la cjamese scuintiade che al stedi atent che no i colin i bregons
• no stâ lassâti meti i bregons de femine
• puar chel om che si lasse gjavâ i bregons