sachete
/-chè-/
sa|che|te
[FO]
-
s.f.
part di un vistît, o ancje di une borse o sim., che e va indentri o che e je aplicade, che e forme un ingjâf che al pues jessi doprât par meti alc o par tignî lis mans o dome di bielece:
al veve cirût inte sachete lis clâfs dal auto (Franca Mainardis, Grivôr);
al tirà fûr de sachete il tacuin par paiâ (Agnul di Spere, In Friûl, nossere);
i siet fruts di Cleve si plantavin denant cui pugns strents tes sachetis (Dino Virgili, La aghe da pît la cleve);
feminis e fantatis a cjapavin lis sôs monedis e lis metevin te sachete dai grumâi, pes lôr spesis segretis (Carlo Sgorlon, Prime di sere)
Cfr. tasnac
, tascje
, sachetin
-
cuantitât di robe che e sta ta chel ingjâf:
a tornavin a cjase sfladassant cuntune sachete di nolis che a slargjavin su la taule (Pieri Menis, I siops)
-
s.f.
(fig.)
patrimoni, situazion economiche, aspiet economic:
la gratuitât de poesie e je un limit pe sachete, ma un vantaç straordenari pe creativitât (Walter Tomada, Pierluigi Cappello: «L’om plui concret? Il poete»);
i parons di ca nus implenavin lis orelis di cjacaris e nus disvuedavin la sachete cu lis tassis (Josef Marchet, Di ca e di là de stangje)
Sin. borse
, tacuin
-
s.f.
[TS]
anat., zool.
orghin o struture anatomiche di forme ingjavade
Sin. ingjâf
Polirematichis e espressions idiomatichis
Proverbis:
- al è simpri ben di vê te sachete un carantan di stupit
- al è simpri ben di vê te sachete un solt di savût
- cui che nol cjate bêçs tes sôs sachetis int cjate mancul in chês di chei altris
- l'ultin tabâr al è fat cence sachetis
- la trope economie e fore la sachete
- lis feminis a àn lis lagrimis in sachete
- o mîl in bocje o bêçs te sachete
- si à simpri di lâ vie cun doi solt di mincjon te sachete
- tal ultin tabâr no fasin sachetis
- un solt di coion al sta simpri ben te sachete
- un solt di pote al sta simpri ben te sachete