Dizionari de Lenghe Furlane

biel che    [FO]

1. loc.coniun. par introdusi une temporâl caraterizade di contemporaneitât:  une domenie di Zenâr, biel che al tornave cul tram, le veve lumade su la roie di borc di Glemone a resentâ bleons (Gianni Gregoricchio, Lilie); E jere daûr a netâ di polvar, biel che e cjantuçave a bocje sierade une romanze de Manon (Carlo Sgorlon, Prime di sere)
   Sin. intant che , tant che
2. loc.av. [CO] cun daspò un participi o un adietîf, al pant la conclusion di une azion:  chê place, in chel moment ta chel soreli che al nase di Viarte, cun chei morârs di fuee za biel che nassude, cun chês banderis ti à un no sai ce che di biel che ti fâs gjoldi ancje un muart (Dolfo Zorzut, La furlane); "A cjatâlu, il mamo!" "Il mamo? Il mamo ae dit? Ma il mamo al è biel che cjatât! Mio nevôt Gjigji po!" (Arturo Feruglio, Un grop sul stomi)
   Sin. za , bielzà , benzà
   
   1. jenfri ausiliâr e participi, par dâ plui intensitât:  lassimi stâ parcè che tu mi âs biel che incervelît (Pieri Somede dai Marcs, La buteghe dal barbîr)
      Sin. ben , propi , za
3. loc.coniun. [CO] par introdusi une oposizion, une alternative in contrast cuntune altre, une concessive:  Ustin no si è fat propit nuie, biel che la biciclete e je dute un fruç (Cristina Noacco, Faliscjis); si sta pôc a fevelâ di minorancis, biel che al è une vore plui dificil rivâ a une definizion condividude di ce che e je une minorance (Marc Stolf, Minorancis linguistichis)
   Sin. intant che
   Cfr. invezit , ma , ancje se , cundut che

Components:

• biel adi., av., s.m., inter.