Dizionari de Lenghe Furlane

vê iniment    [AF]

1. loc.v. vê te ment, tal pinsîr, pensâ:  Checo al veve iniment di rivâ fintremai a Sant Gotart (Gianni Gregoricchio, Îr e doman); Jole e veve iniment dut un altri dissen par lui (Carlo Sgorlon, Il dolfin)
   Sin. vê ad a ments , pensâ , vê tal cjâf
2. loc.v. visâsi, ricuardâsi, vê memorie:  tal pensâsi, no à voie di contâ, si ingrope tor pinsîrs di robis lontanis lontanis, sepulidis dentri une scaie di memorie che no je muarte, chel no, ma e dûl, e sangane ancjemò tal vêle iniment (Ivano Urli, Storie di Vera); ducj o vin ben iniment ancjemò dai timps de scuele elementâr ce che nus contavin des lotis dai gladiatôrs de ete romane (Lucio Perès, I zûcs di vuere)
   Sin. impensâsi , visâsi , ricuardâ , ricuardâsi
3. loc.v. fevelâ di cdn. o di alc:  "Lui al è chel fantaçut forest che mi à vût iniment 'Sese, la camarele di chei siôrs di Preclûs, no isal vêr?" (Bepo Marion, La morose di Carlo); "Se il siôr plevan nol si vise di chel decret, viodeit vô di tornâjal a vê iniment." (Alviero Negro, Strumîrs e Çambarlans)
   Sin. citâ , menzonâ , nomenâ , ricuardâ

Components:

• iniment av.
• vê v.tr., v.aus.

Proverbis:

• passât il volt di Clement, nissun no ti à iniment