ricuardâ
ri|cuar|dâ
[FO]
-
v.tr.
mantignî te memorie:
il cerviel dai umans, e soredut il lôr lobi frontâl ur à permetût di movisi intal timp. Come intun cine a son rivâts a imagjinâ il futûr e a ricuardâ il passât (Franc Fari, La evoluzion dal çurviel e de cussience tai vertebrâts);
dut culì o ricuardi, dut mi torne a passâ denant dai voi (Pieri Menis, Cjasute dai ricuarts);
voaltris o riscjais di jessi […] come l'ustîr, che dopo di vêti dade la aghe par distudâ la sêt, nol ricuarde plui ni il non ni la muse (Antoni Beline, Sant Jacum, là che al finìs il mont)
Sin. ricuardâsi
, visâsi
Var. aricuardâ
, recuardâ
, raguardâ2
, ravuardâ2
, rivuardâ2
, revuardâ2
, lavuardâ
, revordâ
, riguardâ2
-
v.tr.
clamâ ae atenzion, citâ alc che al à relazion cun ce che si discor:
in Friûl e esisteve bielzà cualchi radio che e faseve informazion (si puedin ricuardâ Radio Effe, Radio Friuli, Radio Spazio 103 - cheste ultime, cun sede a Tarcint, no jere la radio che vuê si cognòs cun chel non) (Max Mauro, Un Friûl difarent: i 90 mhz di Onde Furlane);
Al è il câs di ricuardâ che la alimentazion dai trasmetidôrs radio dai prins satelits artificiâi dal program Vanguard e vignive furnide di cuatri grops di celis solârs (1957) (Lorenzo Marcolini, Lis celis organichis nanostruturadis)
Sin. citâ
-
fâ in mût che a cdn. altri i torni tal cjâf alc o cdn.:
chê promesse mi stave simpri su la anime e ogni volte che o podevi je ricuardavi (Pieri Menis, Il cuader de none)
-
v.tr.
(fig.)
vê une someance, fâ pensâ a alc o a cdn. che si somee:
Zenâr e Fevrâr a messedavin pulvin di nêf puartât ator dal aiar che a mê mari i ricuardave la buere di Cividât (Alan Brusini, Come tai romançs);
la musiche des CYBELE che e invadeve il coridôr cun chei suns datâts, suns che a ricuardavin ancje i BAUHAUS di Passion of lovers (Checo Tam, La maree nere)
-
v.tr.
mantignî la memorie di alc o cdn. cuntune celebrazion, une ritualitât, un monument o sim.:
a Insic […] il biel paisut dongje Cormons, ogni an al ven ricuardât, tune fieste dute par lui, Franz Josef il grant imperadôr da la Europe (Riedo Pup, Franz Josef e Garibaldi);
si tratà di lâ li dal «Parco della rimembranza» a ricuardâ i muarts in vuere e a poiâur une zoie (Meni Ucel, Il discors)