Dizionari de Lenghe Furlane

tirade  /-à-/  ti|ra|de  [AF]

1. s.f. singule azion di tirâ:  a colp, si sintì une tirade sot i braçs, come se alc lu ves obleât a fermâsi (Maria Forte, Cjase di Dalban); cuntune tirade, Molâr mi à strissinât par un altri curidour, fin che i sin rivâts intune cjanive no masse iluminade (Stiefin Morat, Kebar krossè)
   Sin. tiron
2. s.f. azion di tirâ dentri l'aiar tai polmons:  al da une tirade di flât e po al vose: "Oh mo! coragjo, fantats!" (Luigi Gortani, Il poul malât)
   
   1. azion di fâ jentrâ o fâ cori fûr l'aiar cuntun singul moviment:  i butà parsore une altre cosse di cjarbon; e po jù ciertis tiradis di fol, che a jemplarin dute la stanzie di lusignis (Luigi Gortani, Il mestri sore ducj i mestris)
   2. singule azion di tirâ sù fum in bocje:  «Nono, mi daiso une tirade [di zigar]?» (Pieri Menis, Il «trono» dal von); a vevin tabaiât fumant une "milit", une tirade tu e une jo (Agnul di Spere, Cjalant la rive)
      Sin. tîr
3. s.f. azion di bevi, di gloti intune volte:  al slungjà il braç e la cjapà in man [la butilie] e al de une tirade... fasint fûr plui di mieze (Angelo Covazzi, Une messe par puar so pari); vuei dâ une grant tirade di bocâl (Ermes di Colorêt, I, 210)
   Sin. bevude , clucade
4. s.f. azion o ativitât fate intune volte, cence interuzions:  la matine, inte sô postazion di lavôr, al meteve manecis, stivalets e calotine cui sensôrs a piel e al faseve une tirade [di lavôr] di sîs oris (Gianfranco Pellegrini, Cidulis); al tacave a studiâ viers lis nûf sore sere e al faseve dute une tirade fintremai a lis dîs dal indoman (Antoni Beline, La fabriche dai predis)
   
   1. discors avonde lunc, soredut par cridâ o par riclamâ a un ciert compuartament o par fâ la morâl, fat cence interuzions:  al veve stât a scoltâ dute la tirade, cui voi sbassâts come un che si confesse (Roberto Ongaro, Il muc)
      Sin. sermon , predicje
5. s.f. struture continue o linie continue:  ca ti pâr di viodi un fuart, là un cjiscjel, plui inlà une tirade di muris, turions e tors (Giuseppe Ferdinando del Torre, La crosade del maladet); cheste tirade di 24 km., da Codroip a Ontagnan (Giovanni Battista Corgnali, La Stradalte)
   Sin. trat , trate , rie , schirie
   
   1. serie continuade di elements, ancje no tal spazi, ma ben tal timp, tal ordin logjic e v.i.:  par une lungje tirade di agns (Giuseppe Ferdinando del Torre, Il contadinel. Lunari par l'an 1862); dal luni al sabu a era duta una tirada di fadia e di umiliassions (Pieri Nonis, Li femini)
      Sin. rie , serie , schirie
      Cfr. dade

Polirematichis e espressions idiomatichis

• tirade di orelis loc.v.