Dizionari de Lenghe Furlane

tirâ a lunc    [CO]

1. loc.v. durâ, lâ indenant a sucedi, a esisti, a vivi, a fâ alc e v.i.:  il dolôr dal vedul al è il plui crût e vuai se al duràs; come chel dal comedon che al fâs viodi lis stelis, ma nol tire a lunc (Maria Forte, Cjase di Dalban)
   Sin. lâ indenant , lâ indevant , lâ dilunc , tirâ dilunc , lâ a dilunc
   
   1. vê une cierte estension tal spazi:  i vassiei mitûts in rie / tirin a lunc almanco mieze mie (Pieri Çorut, A Tite Bas)
2. loc.v. fâ durâ tant:  "Prin o dopo, a lis personis cussienziosis tal lôr lavôr, ur ven il premi." al continuave Turo fasint il preziôs e tirant a lunc il discors par jemplâsi la bocje (Roberto Ongaro, Il muc)
   Sin. lâ indenant , lâ indevant , lâ dilunc , tirâ indenant , tirâ indevant
3. loc.v. fâ spietâ tant o fâ ritardâ:  par dânus la universitât - che e veve di jessi par leç la fusine de rinassite culturâl furlane - nus àn fat penâ vincj agns; e cuant che no àn plui podût tirâle a lunc nus àn sgnacât chê biele robe che ducj sa (Riedo Pup, Racket: o sin te vuate)
   Sin. tirâ in lunc , tirâ dilunc

Components:

• lunc adi., s.m.
• tirâ v.tr., v.intr.