tindi
tin|di
[AF]
-
v.tr.
meti alc in tension, aplicant une fuarce contrarie a une resistence o dôs fuarcis in direzion diferente:
tindi une cuarde (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. tirâ
, trai
-
v.tr.
meti alc in maniere che al stedi dret in dute la sô estension:
e tint par aiar lis mans, i mancje il respîr, e ansime (Pieri Somede dai Marcs, Mame…)
Sin. slungjâ
, distirâ
-
v.tr.
(ancje ass.)
meti la robe lavade tal viert, picjade, par fâle suiâ:
a tramontan l'è scûr… / Sintîso ce sussûr? / Puare Nadalie, / tant ben che è di lissie, / e no à finît di tindi / che i tocje distindi (Pieri Çorut, La tempieste)
Sin. meti a suiâ
, picjâ
-
v.tr., v.intr.
(ancje ass.)
meti un aparât tant che une trapule, un tramai, une palisse, une archete e v.i. in mût che al sedi pront par funzionâ:
la pâs che gjoldevi su lis cjarandis des mês culinis cuant che lavi a tindi i laçs par puartâ la cene ai miei vecjos (Pieri Somede dai Marcs, Resurezion a Pontinie);
dutis lis cisis a son sôs par tindi archetis ai scriçs e vergons ai luiars (Josef Marchet, Lis predicjis dal muini);
lâ a tindi ai uciei (Cristina Noacco, Faliscjis)
-
cjaçâ dome cun sistemis che a cjapin lis bestiis, no cun sclopis, arcs e frecis o sim.:
i furlans no puedin fâ di mancul di colegâ chei imprescj alì [lis armis] cui delincuents, cui brigants, cui laris. I cjaçadôrs a son un altri cont. Però, ancje chei, nol sarès nissun mâl che si contentassin di lâ a tindi (Riedo Pup, I furlans e lis armis)
-
v.intr.
(fig.)
vê tant che finalitât, tant che obietîf:
une mozion cuintri «ogni manovre» che tindi a dâ al Friûl une forme di autonomie plui largje (Josef Marchet, Cuarde e savon)
Sin. pontâ
, tirâ
, trai
, volê1
, smicjâ
, smirâ
-
v.intr.
vê une cierte tindince, indreçâsi intune cierte maniere intune dinamiche, finî par compuartâsi intune cierte maniere:
avocats e leterâts a rapresentavin par lui une categorie pericolose, che e tindeve a cjoli come realtât chel che al jere dome il prodot dai lôr desideris e de lôr volontât (Giovanni Pillinini, Zuan Batiste Cavedalis - Une vite esemplâr);
lis fuarcis biologjichis che a tindin viers la diversitât (Franc Fari, Il cjâf dai furlans)
-
v.intr.
stâ daûr di alc o di cdn., viôt atindi
:
il popul sovran, dute la int, a tindin ai fats di famee, ai afârs di cjase (Guido Antonioli, Florean dal Palaç, I, 1);
"Ai capît, barbe; che nol stedi a vê pinsîr. E che al cuieti la mame, e che i racomandi di tindi a Ferruccio. Che viodi che nol vadi ator pes stradis, invezi di lâ a scuele" (Vittorio Vittorello, A ogni cost)
Proverbis:
- a tindi masse archetis, a cjapin sù i uciei chei altris